રાત આખી જમીન પર વરસ્યો મેહ,
માટી તો ભીંજાઈ ગઈ, પત્થર એના એહ.
એકલો રહે તે યોગી,
સમૂહમાં રહે તે ભોગી.
એક વિષયને જીતતાં જીત્યો સૌ સંસાર,
સેનાપતિ જીતતાં જીત્યો તું સેના અપાર.
અહંકાર અપેક્ષા અને અસંતોષ
ત્રણ એક્કા, કરે માનવના ભૂક્કા.
" અસંતોષ એ બધા દુઃખોનું મૂળ છે.” - બુદ્ધ
સ્વાથ્ય સારું ન હોય તો પાપડ પણ પચતો નથી,
સંસ્કાર સારા ન હોય તો પૈસો પણ પચતો નથી.
જીવનમાં વાચન કરવું, સારું ચિંતન કરવું બહુ સારું,
મનન કરવું ઉત્તમ, ઉતારવું બહુ જ અઘરું.
જીવન જાણ્યું કે મૃત્યુ મટી ગયું,
મૃત્યુ જાણ્યું કે જીવન શરૂ થયું.